((لسلام عليكم))
اليوم جايبلكم تحشيشة جديدة
اليوم موضوعنة عن فوائد التدخين حصريآ....
1/ من فوائد التدخين اتخلي الاهل ينطزك مصرف زايد او اتخليهم ايحسون انهو انتة عندك اهمية عدهم.
2/او من الفوائد ايضآ علمود اذا المصرف ميكفيك ايخليك اتروح ادور شغل علمود اطلع مصرفك مالجكاير او ايعلمك تعتمد على نفسك.
3/بعض البنات مو كلهم ما اكول كلهم ينعجبون بلولد او ابشخصيتة اكثر اذا ايدخن ايكولون اي لعد هذة رجال او يعتمد على نفسة اذا تشتغل طبعآ.
4/ والنقطة المهة اهنا فرس مربط العفو مربط الفرس, اينسيك هموم المحب او اهموم الحبيب او القصة القديمة طبعآ اذا مضروب بوري او معلوس او فد شي من هذة القليل.
5/ اطلع قهرك كلة بيهة اشكد متكون ضايج اطلع كل قهرك بيهة او تنسة او يرتاح بالك.
6/اذا فد يوم امحدق او ماكو فلوس تشتري باكيت اتصير عصبي او ادكوم اتصيح او تنفعل او ايكومون ايخافون منك الشقاوجية ايكولون او لك هذة هسة او هيج عصبي لعد لو نتعارك او اصلا بعد ميتقربولك....
شباب هاي موجز من فوائد التدخين مو كلهة شفتو شكد بيهة فوائد..... مو بس مضار هاي الكلاوات اليكتبوهة على الباكيتات او بلكتب.
شباب انصحكم اذا اتريدون ادخنون دخنو بلجر لان البن انغش والكلواز انغش والميامية ثكيلة على الكلب والكرفن تكطع الكلب هاي اذا جانت على الريك او الدنهل ثكيل على الجيب او بقت يمكم...
معة تحياتي.
الرئيسية 
التسجيل 
